Billboard 200: 'GNX' leh 'TTPD' an inum zel

Billboard 200 album chart-ah Kendrick Lamar 'GNX' leh Taylor Swift 'The Tortured Poets Department' an la inum zel. 'GNX' hian Taylor Swift album hnuhnung ber hi a pel thei rih lo.

Kum 35 mi, superstar album 'TTPD' hi April 19-a a tlangzarh kha niin, album chart-ah hian a zawn loin kar 17 chhunga No 1 a ni thei a ni. Kar liam ta chhungin US-ah equivalent album unit 240,000 a neih belh leh a ni. Top Album Sales-ah pawh a zawn loin kar 10 chhung NO 1 ni tawhin, album sales a neih thar hi 201,000 a tling leh a ni. He album-a hlate hi on-demand official stream mtd 51.04 an nei bawk.

'GNX; hi Top Stream Albums-ah kar thum chhung a zawnin No 1 ni tawh mah se, album chart-ah erawh TTPD a pel thei lo. Blackpink member Rose debut solo album, 'rosie' chu No 3-a rawn langin, US-ah equivalent album unit 102,000 a nei.

TWICE album thar, 'STRATEGY' pawh No 4-ah a rawn lang a, equivalent album unit 88,000 neiin album chart top 10-a lang thei paruk a neihna a ni. Sabrina Carpenter 'Short n' Sweet' chu No 5-ah a la awm nghet zel bawk. 'Wicked' film soundtrack erawh No 3 aṭangin No 6-ah a tla thla ta thung.