Blue Wave Records Label-in zaithiamte tan sum tam tak la lut

Blue Wave Records Label chuan Mizo zaithiamte tan an label hnuai aṭangin kumin chhungin Rs 27,61,355 a la lut. Tunah hian distrochemy leh midang thawhpui mekin, thawh hona ṭha tak hnuaiah hma an sawn chho zel.

Blue wave records hi Mizoten streaming lam kan hmelhriat theih nana hma la a, bul ṭan hmasatu niin Mizorama mumal taka kal hmasa ber an ni hial awm e. Label anga kal tel a, zaithiamte hamṭhatna mumal taka kalpui chu an tum ber pakhat a ni. An hmalakna zarah zaithiam, a tih dan phung hre lo te pawh kawng kawhhmuhin, an sum sengin an zai chu streaming platform-ah an lo dahsak ṭhin.

Kalphung mumal tak neiin, zaithiam eng emaw zatin Label hnuaiah hian dahin an vil sak a, streaming platform hrang hrang spotify, apple music, amazon music, youtube music, instagram, facebook, tidal leh a dangahte an dah sak ṭhin a ni. Zaithiamten an buaipui ngai lo in, copyright lam te an buaipui sak a, royalty hi email leh thildang hmangin zaithiam leh hla neitu hnenah awlsam takin a lut ṭhin a ni. Zaithiamte chanvo hmuh theih nan theih tawpin hma an la a,Youtube lama an hla lo hmangte pawh zaithiamten an hlawk pui nan hma an lak sak zui ṭhin bawk.

Blue wave Record hian artist development hi a kalpuina a rei tawh a,Mizoramah zaithiam lar leh hlawhtling eng emaw zat hmuchhuakin an lo pui bawm tawh a, tunah pawh he thil hi nasa zawkin an kal pui chho mek zel ani.

Zaithiamten hlaphuahtute, musician leh producer pawimawhna tun ai hian hre deuh deuh sela Mizo Music Industry pawn hma a sawn zel an beisei.