Second Wind band MV thar 'Zoram Ṭawngṭaina' a chhuak dawn

Chanmari YMA-in kumin October-a a buatsaih, Corz Darkhuang Acoustic Beat Contest-a pakhatna, Second Wind band chuan music video thar "Zoram Tawngtaina" an ti chhuak dawn. Member pathum niin vocalist - C. Malsawmkima, guitarist- K. Lalruatfela leh bassist - PC Lalmuanpuia te an ni. He contest-ah hian lawmman pakhatna bakah an zaitu C. Malsawmkima hian Best Musician a la bawk.

'Zoram Ṭawngṭaina' tih hi 2018 daih tawha an guitarist K. Lalruatfela phuah niin, Mizoram dinhmun veina leh a hnam anga sima Pathian lam hawi tura insawmna chungchang a ni ber. Audio hi Blue Wave Records ah tih a ni a, Videography MC_Puia, Kacy Laltlanzova te kuthnu a ni thung. An hla hi Streaming platform hrang hrangah ngaihthlak theihin a awm dawn bawk a ni.