Tom Cruise hnenah chawimawina hlan

Hollywood superstar, Tom Cruise hnenah US Navy-in civil mi hnenah chawimawina a hlan ṭhin, Distinguished Public Service Award hlan a ni.

Kum 62 mi ni tawh, Cruise hnenah hian Thawhlehni khan Chertsey,Surrey-a Longcros Film Studios-a hun hmanah he chawimawina hi US secretary of Navy, Carlos Del Toro chuan a hlan. Navy chuan action hero hi a lemchanna hmanga Navy-te dinhmun leh hnathawh, an inpekna te mipui a hriattir avangin an lawm thu an sawi. Cruise hi 'Top Gun' film-ah pilot Maverick lemah changin, he film hi a lar bawk a, Navy hian a tih chhuahna theatre-ah recruitment table-te an siam hial. Kum 2022-ah a sequel, 'Top Gun : Maverick' chan chhunzawm lehin, a film avang hian ṭhalai tam takin sipai lam an tuipui phah niin Navy chuan an tarlang. US Navy hian he chawimawina hi Steven Spielberg leh Tom Hanks henah World War II movie, 'Saving Private Ryan' vangin an lo hlan tawh bawk.