Streaming platform aṭangin Adele hla la thla turin ti

Adele-i'n 2015-ah a tih chhuah, 'Million Years Ago' chu mi dang hla copy tia puha khin a nih avangin, Brazilian judge chuan digital streaming service aṭanga la thla vek turin a ti.

Kum 62 mi, Brazilian composer, Toninho Geraes chuan Adele hi khingin, 'Million Years Ago' hla hi 1995-a a phuah, samba classic 'Mulheres (Women)', Brazilian singer Martinho da Vila sak copy-ah puh a ni. Hei vang hian Rio de Janeiro-a commercial court-ah Adele a khinna hi a thehlut a ni. Judge Victor Torres chuan Adele hla hi ti chhuak tawh rih lo tura tiin, thupek zawm loh chuan USD 8,000 thlenga chawi tir theih an nih thu a sawi. Music label hian court thutlukna hi an appeal thei thung. Adele hian khin a nih leh, judge thupek tih chhuah chungchangah hian sawi a la nei lo.