Gospel Music News for KING & COUNTRY-in Krismas album tichhuak dawn

Grammy award pali lai dawng tawh Australian duo for KING & COUNTRY chuan kar hmasa khan an Krismas album puitling hmasa ber an tlangzarh dawn tih an sawi.

for KING & COUNTRY Krismas album hi 'A Drummer Boy Christmas' tih a ni dawn a, October 30-ah tlangzarh tumin tunah hian pre-order hun an hawng tawh nghe nghe.

"Krismas a mak danglamna hian hun rei tak ata tawh khan min man tawh a, kan band DNA-ah pawh nghet takin a intuh a ni. Krismas-in kan zaa hnena min thlen thawnthu sawina kawnga kan theih ang tawk lo thawh ve hi tling lo

inti tak chung siin ṭul kan ti hle a ni. Chuvang chuan  chocolate chip cookie-te kha lo ur ula, hot chocolate te kha lo siam ula, meilum nuam tak ai turte lo buatsaih rawh u, chuan minute 44 leh second 49 Krismas rimawi hmangin in zingah kan tel min phalsak ve bawk ula," tiin an album tihchhuah thar tur chungchang hi thiam takin an sawi a ni.