Ariana Grande - 'Hmeichheho vang vek a ni!"

Press mitena an en dan, an chhaihdan leh an thlir dan zawng zawng­ah Ariana Grande chuan a hmeichhepuite a mawhpuh.

Press lamin a chan­chin an tarlan dan te, an sawi chhawn dante hi a duhawm lutuk lo ṭhin a, hemi chungchangah hian Ariana Grande chuan a hmeichhepuite chu mawh a phurhtir a, hmeichhiate bawk hi mi sawisel peih leh mi rêl tur hria leh rêl hrat niin a sawi.

"Hmeichhiate bawk hi a buaithlak chu an ni. Mi sawiselna tur leh rêlna tur hi an ngaihtuah char char emaw tih mai tur an ni. Bawp leh ke nalh an buaipui a, chung chu tihlan leh mite hmuhtir an chak a, chutiang avang chuan, midang tihzak leh sawisel an hreh hauh lo. Ka sawi awmzia in man ka ring," a ti. An tluk lohte sawisela diriam an ching a tihna a ni thei ang.