2024 K-Pop Tour hlawhtling ber SEVENTEEN

Billboard Boxscore chart-in a tarlan danin, kum 2024 chhunga K-pop tour hlawhtling ber chu SEVENTEEN niin, an tour aṭangin kumin chhungin USD mtd 98.4 an la lut thei.

All-genre Top Tours chart-ah K-pop group hi kum 2015 khan an lang ṭan ve chauh a, hemi kum hian BigBang an lang a ni. Mahse khawvel huapin K-pop thli a tleh zel a, chart lamah an langsar chho a, BTS leh BLACKPINK te chu top 10 ah te an lang phak zui a ni.

Kumina K-Pop Tour top 10 sum lak luh hi USD mtd 329.2 a tling a, hei hi nikum ai chuan a tlem hle thung. Kum 2023-ah khan BLACKPINK ringawt pawhin an tour aṭangin USD mtd 150 an la lut thei a, USD mtd 20 la lut thei kha group panga an awm bawk.

2024 K-Pop Tour hlawhtling zual 10 zingah hian mipa bang panga langin, 1-4 an hauh. Top 10-ah hian soloist pakhat chauh a awm bawk. He report hian October 1,2023 leh September 30, 2024 chhung a huam a ni.

SEVENTEEN group hi Pledis Entertainment din niin May 26, 2025 khan an debut a ni. An group hi unit thum - hip-hop, vocal leh perfomance kangin an awm a, 'Perfomance Kings', 'Theater Kids of K-pop' leh 'K-pop Performance Powerhouse' ti a sawi an ni ṭhin. Kumin April thla khan, '17 in Right Here' album ti chhuakin, October 12, 2024 aṭangin 'Right Here World Tour' hi Goyang Stadium, Seoul-ah an nei ṭan a, tour hi nakkum February 16-ah Rajamangala National Stadium, Bangkok-ah an khar ang.