Superman leh a superdog an rawn lang

Kum 2025-a Hollywood film chhuak tur zinga lian leh nghahhlelhawm ber zinga mi, James Gunn siam, Superman reboot chu a trailer tih chhuah a ni. Superman bakah a superdog pawh a rawn lang tel.

Minute hnih awh trailer hi Lois Lane-ah Rachel Brosnahan leh Lex Luthor-ah British actor Nicholas Hoult te pawh an rawn lang tel. Man of Steel-ah hian David Corenwet changin, Superman movie lianah Superman a chang palina a ni. 2013 chhuak, Man of Steel leh a spin-off-a Superman lema chang, Henry Cavill chuan a role hi chan chhunzawm a la hreh loh thu sawi mah se, James Gunn leh Peter Safran-ten DC Studio an enkawl hnuah an thlak a ni. Superman thar, Corenswet hi kum 31 mi niin a hmain TV series, The Politician, Hollywood leh We Own This City-ahte a lo chang tawh a ni. Superman film thar hi July 11, 2025-a tih chhuah tum a ni.