Asian soloist zinga chart-a lang rei thei ber Jungkook

BTS member Jungkook chuan Asian solo artist zingah Billboard chart-a lang rei thei ber record a siam.

Billboard chart tih chhuah thar berah, Jungkook solo single 'Seven' chu Global 200 chart-ah 153-na leh, Global Excl. US chart-ah 85-na a la ni. Heng chart pahniha hian a zawnin kar 74 an lang a ni. 'Seven' hi Spotify in 'Top Tracks of 2024 Global' list a tih chhuahah 28-na a ni pha bawk. Spotify-ah hian Asian artist zingah stream tld 2.1 nei rang ber niin, ni 518 chhungin hemi zat stream hi a nei hman a ni.

Jungkook hian sawi lawk loin December 18 khan Weverse-ah live-in, darker hnih leh chanve chhung hun a hmang. A live view-tu hi mtd 20.2 an tling a, social networking site-a live viewer ngah ber record a ni. Grammy Awards ceremony view-tu, mi mtd 16.9 chu a rawn khum a ni. Hei hi sipaia a luh hnu, December 2023 hnua a live lehna hmasa ber a ni bawk. A live chungchang an sawina hi X-ah a trending nghal bawk a ni. A live-naah hian a in tharte chu a fan-te tan a rawn tih lan bakah, BTS band chungchangte a rawn sawi.