'Pushpa 2' in record a siam

Allu Arjun channa, 'Pushpa 2 : The Rule' chuan Hindi film chhuak tawh zinga ni 15 chhunga sum la lut tam ber record a siam ta. 'Baahubali 2: The Conclusion', 'KGF Chapter 2' leh 'Jawan' te a rawn khum ta a ni.

2021 blockbuster Puhspa: The Rise chhunzawmna,Pushpa 2 hian tlangzarh karah Rs vbc 735.8 la lutin, a kar hnihnaah Rs vbc 264.8 a la lut thei bawk. A Hindi version hian Rs vbc 632.5 la lut bawkin, heng zawng zawng hmang hian Hindi film tih chhuah tawh zinga ni 15 chhunga sum la lut tam ber record a rawn siam a a ni. Tunah hian khawvel puma a sum hmuh chhuah hi Rs vbc 1500 a tling tawh a, sum tam tak a lak luh belh la rinawm bawk. Hei vang hian India film zinga khawvel huapa sum la lut tam ber record chelh mektu, Dangal sum lak luh, Rs vbc 2000 pawh a rawn khum theih a beiseiawm hle. 'Pushpa 2' h Sukumar direct niin, Allu Arjun bakah Rashmika Mandanna, Fahad Faasil te an chang. A hming hmasa zawk aṭang khan Arjun chuan National Award for Best Actor a lo la tawh a, Telegu actor zingah he award dawng thei hmasa ber a ni bawk. Hyderabad-a Sandhya Theatre-ah Pushpa 2 tih chhuahnaa mipui innekbuaina thlenga hmeichhe pakhat a thih vangin December 13 khan Allu Arjun hi man a ni a, mahse Telangana High Court chuan kar li chhung interim bail a dilna phalsakin, December 14 khan chhuah tir leh nghal a ni.