Chris Hemsworth-a'n Villain of the Year award dawng

Seattle Film Critics Society (SFCS) chuan 2024 movie award an siamah Thor actor, Chris Hemsworth chu Villain of the Year-ah an thlang.

Hemsworth hi 'Furiosa : A Mad Max Saga'-a Dementus lem a chan aṭangin he award hi an hlan a ni. Marvel Cinematic Universe-a hero, Thor lem a chan avanga duh rawn hlawh tak, Hemsworth hi post-apocalyptic action film-ah hian misual tak maiah a rawn chang thung a ni. He role vang hian Best Supporting Actor-ah nominate a ni bawk a, mahse Clarence Maclin-a'n hei chu a dawng thung. 'Furiosa' hian category hrang hrang - Best Picture, Cinematography, Editing, Production Design, Costume Design, Action Choreography, leh Visual Effects ah te nomination a hmu bawk.