Selena Gomez leh Indian artist thawk dun dawn

Selena Gomez chuan kum 2025-ah hla thar a ti chhuak dawn a, Indian artist a thawhpui dawn.

Gomez thawhpui tur hi Anshul Rajendra Garg, Ashul Garg tia hriat a ni a, Garg hian Mid-day conversation-ah hla thar chungchang hi a sawi chhuak a ni. An hla hi 'Hindi leh English' a ni dawn tih sawiin, a music video hi March, 2025-ah siam an tum tihte a sawi.

Garg chuan Selena a thawhpui tur a phur zia a sawi a, hemi rual hian khawvel huapa artist lar pathum pali vel pawh thawhpui a tum mek thu a sawi bawk. "Kum 2025 emaw 2026 ah emaw chuan heng artist te hi India ramah ka hruai theih ka beisei," a ti. A thawhpui chak zual a sawi zingah hian Drake leh The Weeknd pawh an tel. Selena fan-te chuan Garg thusawi hi an lawm rualin an ring ngam chiah lo thung a, 'Selena hian a hre ve maw?' ti tein an comment, hemi rual hian thu dik tak a nih ngei an beisei thu an sawi bawk.