Box office : No 1-ah 'Sonic the Hedgehog 3'

North American box office-ah big-budget family film, 'Sonic the Hedgehog 3' chuan 'Mufasa : The Lion King' khumin No 1 a ni. 'Sonic 3' hian tlangzarh karah USD mtd 62 la lutin, 'Mufasa' hian USD mtd 35 a la lut ve bawk.

'Sonic 3' hi theatre 3,761-ah tih chhuah a nih laiin 'Mufasa' hi theatre 4,100 ah tih chhuah a ni thung. 'Mufasa' hian CinemaScore-ah 'A-' hmuin, Rotten Tomotoes ah positive review hi 56% a hmu. 'Sonic 3' erawh chuan Rotten Tomotoes-ah 86% leh CinemaScore-ah 'A' a hmu a ni. Sonic film hmasa pahnihte sum lak luh belhkhawm kha USD 700 chuang a tling a, a pathumna hian a hmasa pahnihte hi a rawn khum theih rin a ni. Hetih lai hian a film palina tur hi buaipui ṭan mek a ni tawh.

Musical adapation 'Wicked' chu No 3-ah la awm zelin, USD mtd 13.5 a lak luh belh a, 'Moana 2' chu No 4-a tla thla thungin USD mtd 13.1 a la lut. Krismas themed 'Homestead' chu tlangzarh karah No 5-ah rawn langin, USD mtd 6.1 a la lut ve bawk a ni.

North American Box Office Top 10 :

1. 'Sonic the Hedgehog 3 ' - USD mtd 62

2. 'Mufasa : The Lion King' - USD mtd 35

3. 'Wicked' - USD mtd 35

4. 'Moana 2' - USD mtd 13.1

5. 'Homestead' - USD mtd 6.1

6. 'Gladiator II' - USD mtd 4.4

7. 'Kraven the Hunter' - USD mtd 3.1

8. 'The Lord of the Rings : The War of the Rohirrim' - USD mtd 1.3

9. 'The Best Christmas Pageant Ever' - USD 825,000

10. 'Queer' - USD 364,240