2025 Annie Award nomitation-ah 'The Wild Robot' a chungnung

52nd annual Annie Awards nomination puan a ni a, DreamWorks hit, 'The Wild Robot' a chungnung hle. Nomination 10 hmuin, he sci-fi adventure hi Best Feature, Best Direction leh Best Character Animation category-ah pawh a lang a ni. Peter Brown novel behchhana siam film hi Chris Sanders direct niin, ramhnuaia robot tangkhang, Roz in ramsa hrang hrang ṭhiana a siam dan chanchin a ni.

Animated film zinga sum la lut tam ber, 'Inside Out 2' chuan nomation pasarih a hmu bawk a, Best Feature leh Best Writing-ah a lang. Aardman film, 'Wallace & Gromti : Vengeance Most Fowl' pawhin nomination pasarih a hmu ve bawk.

Animation lama thawh hlawkte hnenah kumtinin special Juried Awards an hlan bawk ṭhin a, 2025 Annie Award-ah hian 'Beauty and the Beast' animator Aaron Blaise, British animator Eunice Macaulay leh Canadian composer Norman Roger te hnenah Winsor McCay Awards hlan an ni ang. Annie Awards hi nakkum February 8 hian neih a ni dawn a ni.