'All I Want for Christmas Is You' in Billboard record siam leh

Mariah Carey chuan a 1994 hit, 'All I Want for Christmas Is You' hmangin Billboard-ah record a siam leh ta.

Billboard Hot 100-ah 'All I Want for Christmas Is You' hi a kar 17-na atan No 1 a ni leh a, Mariah Carey hian a record lo siam tawh, Boyz II Men nena 'One Sweet Day' hmanga kar 16 chhung No 1 ni thei record a siam chu a khum a ni.

'All I Want for Christmas Is You' hi kumtinin Krismas dawnah a rawn lar thar leh ziah a, Streaming Songs chart-ah pawh No 1 ni rei thei ber record siamin, kar 21 a awm tawh a ni. Kar 20 chhung No 1 ni thei, 'Old Town Road's' record siam chu a rawn pel ta a ni. He hla hi Krismas hla zingah Spotify-a stream tld 2 nei thei hmasa ber a ni bawk. Mariah Carey pawh a hlain record a rawn siam leh hi lawm hle a, kumtina Krismas vuakveta Spotify aṭanga he hla lo ngaithla ziah ṭhinte chungah a lawm tak zet tih a sawi.