Billboard 200 : Stray Kids in No 1 album ngah lamah BTS nih rual

28th December, 2024

Billboard 200 album chart tharah K-pop boy group, Stray Kids chuan an mixtape hmasa ber 'HOP' chu No 1-ah an lanpui a, No 1 ni thei album paruk an neihna a ni ta. No 1 album neih tam lamah hian BTS, Linkin Park leh Dave Matthews Band te an nih rual ta a ni.

'HOP' hian tlangzarh karah US-ah equivalent album unit 187,000 neiin, album sales hi 176,000 a lting a, he album-a hlate hian on-demand official stream mtd 14.83 an nei bawk.

Kendrick Lamar 'GNX' chu No 2-ah la awm chhunzawm zelin, equivalent album unit 100,000 a nei leh bawk. Taylor Swift 'The Tortured Poets Depatment' chu No 3-ah a tla thla a, Sabrina Carpenter 'Short n' Sweet' chu No 6 aṭangin No 4-ah a rawn chho thung. Michael Buble 'Christmas' chu No 7 aṭangin No 5-ah a rawn chho bawk a, Bing Crosby 'Ultimate Chrismas' chu No 6-ah a lang. Krismas hla dang, Mariah Carey 'Merry Christmas' pawh No 14 aṭangin top 10-ah a inhlangkai.

Billboard 200 Top 10 :

1. "HOP" - Stray Kids (187,000 units)

2. "GNX" - Kendrick Lamar (100,000 units)

3. "The Tortured Poets Department" - Taylor Swift (85,000 units)

4. "Short n' Sweet" - Sabrina Carpenter (69,000 units)

5. "Christmas" - Michael Buble (68,000 units)

6. "Ultimate Christmas" - Bing Crosby (65,000 units)

7. "Wicked: The Soundtrack" - The "Wicked" cast (nearly 65,000 units)

8. "Hit Me Hard and Soft" - Billie Eilish (62,000 units)

9. "The Rise and Fall of a Midwest Princess" - Chappell Roan (56,000 units)

10. "Merry Christmas" - Mariah Carey (56,000 units)