Ram hranga mipui ngaihven a inang lo

Google-ah hian thil kan zawn duh chhuh luhna tur a awm a, chuta kan chhut luha kan zawn zui chu bo nghal mai loin, a awm reng ṭhin. Google search-a i thu chhut luh kha India ni ta se, India i chhut hnuaiah khan India map tih te, India railway tihte suggestion a lo awm ṭeuh ṭhin. I thil zawn ngun kha a rawn lang zingah a tel ve zel a ni. Hei hi Google auto-complete search a ni a, heta ṭanga ram hrang hrangin, thil man bikah chauh, an zawn leh zawh nasat Google chuan a tichhuak a, a inang lo hlawm hle.

Africa ram tam berina an zawn chu b‚wng man a ni. Hetihlai hian Mauritania ramah chuan sal man an zawngin an zawt nasa thung; Mauritania-ah hian nikum aṭang chauh khan sal neih khap a ni. Oceania lamah thung chuan an thil ngaihven zawng a dang≠lam a, Australia bikah damdawi thiamna hmang≠a nau inpaitir dan (kah rai leh embryo sawn) enkawlna senso an zawng nasa ber a, New Zealand-ah chuan chi thlah thei loa mipa insiam dan, vasectomy senso an zawng nasa.

Asia khawmualpuiah, India bikah bawng man tho hi an zawh nasat a ni a, China-ah chuan electronics bungraw man a ni thung a, Japan-ah chuan dawnfawh man a ni daih thung. Iran-ah chuan mihring kal (kidney) man an zawt nasa tih Google auto complete search-ah a lang thei a, Afghanistan-ah chuan camel man a ni thung. Europe-ah ram hrang hrang an inang lo leh hle. Macedonia-ah chhangthawp man an zawt nasa a, Russia-ah thung chuan MiG thlawhtheihnaa chuan man hi an zawng nasa.

North America-a ram zau ber, Canada-ah chuan passport lam an buai≠pui ber a, US-ah chuan thil hmuhchhuah leh hetiang kaihhnawih patent man a ni leh daih a, Haiti ramah chuan mitthi vuina senso zat hriat an duh ber a niang, Google auto complete search-ah a langsar hle. South America lam an duhzawng a khawvel deuh. Brazil-ah chuan nawhchizuar man tlangpui hi an ngaihven ber a ni a, Argentina-ah chuan beer man a ni thung.