Gospel United-in retreat an nei dawn

Mizo zaithiam, Fakna hla sa ṭhinte leh musician te intelkhawm, Gospel United chuan tun Inrinni hian nilengin BS Farm-ah retreat an nei dawn.

Gospel United Retreat hi chawhma dar 10:30-a ṭan tur a ni a, speaker-ah Rev. Dr. H. Vanlalruata, ATC lecturer an hmang ang a, 'Zai mite mamawh Pathian thu' tih leh 'Value System chung≠chang' tihte thupuiah hman a ni ang.

Gospel United hi kum 2006-a din kha a ni a, Pathian fakna hla satute leh gospel musician te intelkhawmna pawl a ni. He pawl hi a huhova Pathian rawngbawlna atan leh chhiat ni/ ṭhat nia inṭawiawm nana din a ni a, charity event hrang hrang leh mobile concert bakah, anmahni insengsoin midangte tana luan chhuahna programme vawi eng emaw zat an lo buatsaih tawh a ni. Retreat an neih hi zai miten rawng an bawlna kawnga hma an sawn theih nan leh rawngbawlna nung tak an neih theih nana buatsaih a ni.

Fakna hla sa ṭhin Gospel artist-te chu tel vek turin an sawm a, member la ni lo zai mi, musician leh Pathian fakna hla phuah ṭhinte zawng zawng an sawm nghal bawk.