2024-a Rap Album billion stream nei rang ber 'GNX'

Kendrick Lamar chuan a album, 'GNX' hmangin 2024 chu record pui tak nen a khar dawn e. He album hian Spotify-ah ni 37 chhungin stream tluklehdingawn a nei der a, kumin chhunga hip-hop album zingah Spotify-a billion stream nei rang ber a ni.

Record ropui tak a siam chungin seltu an awm reng tho a, Drake album, 'Certified Lover Boy' leh 'Scorpion' te chu stream neih tam lamah an rang zawk tih pawh an rawn sawi lang hram hlawm. Heti chung hian Lamar-a'n hip-hop community lama huhang a ngah zia erawh hai theih ni lo. A album, diss track leh performance-te chuan sawi zui leh khel zui  luai luai an hlawh a, fakna leh selna  pawh a dawng hnem viau. 'GNX' hi a hlawhtlinpui hle a, he album hmang hian 2025 Grammy-ah nomination pawh a hmu a, Eminem pawhin Lamar hian award lak vek hi a phu hlea a ngaih thu a sawi.