James Bond thar atan Josh O'Connor sawi ri leh

James Bond thar tur atan tu nge ni ang tia inrinsiakna pawh a a rei tawh hle a, report thar berah chuan James Bond producer-te chuan 'Challengers' actor Josh O'Connor chu Bond series tharah 007 chang turin an thlang dawn nia sawi a ni.

Aaron Taylor-Johnson chu a hmain Daniel Craig thlak a, James Bond thar tur nia sawi rik awm mah se, a hming hi an sawi zui leh ta lo a, Josh O'Connor hming sawi rik a ni leh ta zawk a ni. Hetih lai hian James Bond installment thar tur chungchangah franchise producer Barbara Broccoli leh Amazon te inkarah harsatna a la awm avangin a hmaa an lo sawi angin a film thar hi a chhuah hma erawh a beiseiawm ta hrih lo. Broccoli hian a pa, Albert 'Cubby' Broccoli hnen aṭangin Bond series rights hi a rochun a, Amazon-in kum 2022-ah MGM an neih aṭang khan an inkar boruak hi a fuh ta vak lo a ni. Amazon ho hma lak dan hi Bond film kalpui dan tura a lo mitthla ang a kalh niin a sawi.