Bristol Palin vs Miley Cyrus Palin-in Cyrus a ei lo!

US-a Republican presi­dential candidate tur zinga ngaih, Alaska governor ṭhin, US-a Kristian hruaitu lar leh thiltithei berte zinga mi, Sarah Palin fanu, Bristol Palin chuan Miley Cyrus a ei lo a, a inla thiangzau leh intirilru zau lutuk chu a tak takah engmah lo mai a niin a ngai.

Tunhnai khan Miley Cyrus hian Kristian conservative-te a sawisel chiam a, mi teh ching, mi awmdan lo teh lo teh a, an tlin lohna leh a ṭhat lohna lai ngawr ngawr zawn chingah a puh a ni. Hei bakah anpui kawp ṭhinte dan anga pawm an duh loh chungchangah dan siam tur zingah telh loh tawp tur an nih thu a sawi bawk. He a thil sawi hi Bristol Palin hian a chhâng let a ni.

"A thlalak nikhualo tak maite a tichhuak a, mi tam takin an ngaihven a ni. "Inti pawmzau tak maia a thusawi kha a nuihzatthlak ka tia, ka thenga thawngah a lut lo reng reng. Amah pawh eng a ni bik lo," tiin Bristol Palin hian a sawi.

Miley Cyrus hi Kristian chhungkuaa seilian a ni a, US-a protestant kohhran lian ber, Southern Baptist Church-ah baptisma chantur a ni.

Bristol chuan, "Zalen taka a khawsak theihna tur leh a duh ang ang tih a theihna turin mite chu amah zalenna pe a, enthla ker reng lo tura a duh laiin, a nu leh pa zahna chang a hre lo a, Kristian nun dik taka nungte a ngai thei lo em em thung si a ni," a ti. "Hollywood-in inngeihtlanna a tih ṭhin awmzia amah kaltlang kan hmu a, thil pakhat chawinuna a dang hmuhsitna a ni," a ti bawk.