Morgan Freeman leh Joel Osteen
Actor lar leh hlawhting, Morgan Freeman chuan National Geographic channel-a tihchhuah turin khawvela thuhriltu lar Joel Osteen-a kohhran Saddleback Church a tlawh dawn.
National Geographic hian The Story of God tih an buaipui mek a, hetah hian Pathian rinna chungchang, khawvel hmun hrang hranga miten an rin dan zirchianna tihchhuah an tum a ni. Hemi atan hian Morgan Freeman hian Joel Osteen hi a kawm ang.
Freeman hian Saddleback Church bakah hian khawvel hmun hrang hranga sakhaw hrang hrangte hmun pawimawh a tlawh dawn. Jerusalem-a Judate hmun pawimawh, Ṭahna Bang, India-a Bodhi Tree, Mayan-ho temple, Turkey-a Gobekli Tepe, hmanlaia Celtic-ho hmun pawimawh Stonehenge te leh a dang tam tak a tlawh ang.
Joel Osteen-a kohhran, Lakewood hi member tam lam aṭanga chhuta khawvela kohhran lian berte zinga mi a ni a, he kohhranah hian member 40,000 chuang an awm.
The Story of God hi kum 2016-a khawvel puma tihchhuah tum a ni a, ram 171-ah ṭawng 45-in an pe chhuak ang. Hetah hian Pathian chungchanga zawhna hrang hrangte chhân tum a ni a, thilsiam chungchang te, thilmak te, thawhlehna chungchangte chhui a ni.