BTS V-a birthday content chhuah tur ti khawtlai

BigHit Music chuan BTS member, V birthday content tih chhuah an tum chu Jeju Air thlawhtheihna chesuala thite sunna leh zahna lantirna atan a hun an sawn hla tih nimin khan an sawi. Hemi avang hian fan-te hriatthiamna pawh an ngen nghal bawk.

December 29, 2024 khan Jeju Air flight 7C2216 chu an ram huna zing lam dar 9:07 khan Seoul bul, Muan International Airport-a a ṭum tur chesualin mi 179 an thi a ni. Thlawhtheihna hian thil suin nasa takin kang zui bawk. South Korea sorkar chuan thlawhtheihna chesuala thite hi an ram pumah January 4 thleng sun an nih tur thu a puang.

NewJeans group pawhin nimina Japan rama 66th Shining!Japan Record Awards-a an perform-naah thlawhtheihna chesual thite sunna lantirna atan stage-a an inlannaah ribbon dum an vuah vek a ni. Korean mi lar hrang rangin vanduaina tawkte an tuarpui thu an sawi a, broadcaster liante pawhin award show an buatsaih tur leh, entertainment program dang an lo duante pawh an cancel hlawm bawk. Hetih lai hian actress Jeon Jong Seo chuan ram puma mitthite sunna hun an hman mek laiin a IG-ah a thlalak a post a, netizen lamin an sawisel nasa hle.