BAFTA longlist-ah 'Emilia Perez' dinhmun a ṭha

British Academy of Film and Television Arts (BAFTA) chuan February 16, 2025-a sem tur, 2025 BAFTA Film Awards neih tur atana longlist a ti chhuak a, music thriller 'Emilia Perez' in hma a hruai.

Longlist-ah vote round khatna neih aṭanga siam a ni a, January 3-10 chhungin voting session hi nei lehin, heta ṭang hian category 25-ah official nomination siam a ni ang. Official nomination hi January 15 hian puan a ni dawn a, BAFTA Rising Star nominee bik chu January 7-ah puan a ni thung ang. Kuminah hian children's and family film caterogy thar siam a ni.

Selena Gomez, Zoe Saldana leh Karla Sofía Gascón-te channa, 'Emilia Perez' hi caterogy 15 longlist ah a lang thei a, a lanna zingah hian best film, director, leading actress leh supporting actress list a tel. A dawtah mystery thriller 'Conclave' chu category 14 list-ah a lang bawk.

2025 BAFT Film Awars hi February 16 hian London-a Royal Festival Hall-ah neih a ni dawn a, 'Doctor Who' star David Tennant-a'n a host dawn a ni.