Meghan Markle-in Netflix-ah show nei dawn

Duchess of Sussex, Meghan Markel chuan Netflix-ah lifestyle show, 'With Love, Meghan' tih a siam dawn a, January 15-ah premier a ni ang.

'With Love, Meghan' hi eight-part series a ni dawn a, episode tin hi minute 30 niin, celebrity hrang hrang an inlan dawn bawk a ni. Kar liam ta Ningani khan a trailer tih chhuah niin, heath hian a pasal Prince Harry leh an fate pahnih nena an chenna, California-a an ina cake a siam laite a lang a, Prince Harry pawh rei vak lo a rawn lang ve bawk. Chef Roy Choi leh Alice Waters te chu guest zingah an tel. Meghan hi a hmain actress a ni ṭhin a, kum 2018 khan Prince Harry nen inneiin, kum 2020-ah royal senior an nihna aṭanga inhnukdawkin US-ah an pem a, California-ah a cheng a ni. US-a an pem hnuah hian production company leh charitable foundation-te an siam a, Netflix show, ' Harry & Meghan' tihah pawh langin, 'Polo' documentary-ah executive producer an ni bawk a, mahse hei hi a rating erawh a chhe hle thung. Spotify pawhin kum 2023 khan podcast atana Meghan inremna an lo siampui chu an ti tawp tawh bawk.