Generation Beta era a inṭan ta

Kum 2025 kumthar ni, January 1 aṭang khan Generation Beta era a inṭan ta. Kum 2025 - 2029 inkara piangte chu Generation Beta hian a huam dawn a, nickname-ah 'Beta babies' tih an ni.

Gen Beta hi kum 2035-ah chuan khawvel puma mihring awm zat aṭanga 16% an tling pha tura chhut an ni. Gen Beta member tam tak hi kum zabi 22-na dam thleng tura ngaih an ni bawk. Kumina piangte chu kum 2101-ah kum 76 mi an ni dawn a ni. Anni hmaa generation an lo thliar dan chu - Generation Alpha ( 2013 - 2024 inkara piang), Gen Z (1997-2012), Millenials (1981 - 1996), Gen X (1965 - 1980) leh Baby Boomers ( 1946 - 1964) an ni.

Gen Beta hi technology leh AI in a luah hneh khawvelah an seilian chho dawn a, an nitin khawsak danah, zirna leh healthcare thlengin a peng pakhat a ni chho dawn a ni. Expert-te chuan an nun hman danah pawh nu leh paten screen time leh real world activities lam pawh rualkhai tak an siamsak a pawimawh dawn hle niin an sawi. Digital khawvelin an nun a luah hneh dawn avangin hemi piah lamah sports, arts leh outdoor play te hobby-ah neih tel tir a, social interaction thlenga zirtir ṭhat an ngai dawn niin an sawi.