Presidential Medal of Freedom dawngtu zingah Bono a tel

US president Joe Biden chuan an rama civil mi chawimawina sang ber, Presidential Medal of Freedom chu January 4, 2025 khan mi 19 hnenah a hlan. An zingah hian Irish rocker, U2 singer Bono pawh a tel.

President Biden-a'n chawimawina a hlan zingah hian Hillary Clinton, NBA legend Earvin Magic Johnson, footballer Lionel Messi, Bill Nye the Science Goy, Vogue editor Anna Wintour, Goerge Soros, designer Ralph Lauren, chef Jose Andres leh conservationist Jane Goodall te pawh an tel a ni. White House chuan chawimawina an hlan mi 19-te chu hruaitu ṭha tak, an ram leh khawvel tana an kawng zawn ṭheuha nasa taka tha thawhtute niin, khawvel nuam zawka siamtute an ni, a ti. U2 hian kumin khan kum 2004-a an album chhuak, How to Dismantle an Atomic Bomb kum 20-na lawman pualin special edition, How to Re-assemble an Atomic Bomb an ti chhuak a ni.