Swift concert-ah a fan-te an innei

Zaithiam tih berte concert-na hmuna inneih hi a ngaihlutu tan chuan a ropui khawp ang. Taylor Swift ngaisang em emtu pahnihte pawh a concert-na hmunah an innei.

Zirtawpni khan Taylor Swift hi Philadelphia, Pennsylvania-ah a concert a, a concert-na hmunah hian amah ngaisangtu Katy Harris leh Chris Eisenman te chu an innei. Hemite pahnih hi an vannei zui hle a, mi tam takin an theih loh leh an phalsak ngai loh, backstage-a lut turin Taylor Swift hian a sawm a, backstage-ah hian an inkawm zui.

Harris leh Eisenman te hi Taylor Swift-in kum 25 a tlin champha phak, nikum December 13-a inneih an tum a, mahse a concert-naah hian an innei ta zawk a ni. Katy Harris hian, "Ka chanchin i hria a nih chuan Taylor Swift ka atchilhzia hi i hriat ngei ka ring, kum 2006 aṭang khan ka ngaithla ṭan a ni," a ti a, a pasal ni ta, Chris hian a phurpuiin, amah pawh hian Swift hi a duh hle niin a sawi.