Obama party-ah milar

Obama-a'n White House a luah rei dawn tawh lo a, a hun hnuhnung a hmang chho ṭan mek. White House-a a awm chhunga party hnuhnung ber tur, a birthday party chu nizan khan a buatsaih.

Obama hi kum 55 mi a ni a, kumin kum tawpah US president thlan a ni ang a, presidnet thar awm ve leh White House hi a chhuahsan a ngai dawn a ni. White House a awm chhunga a birthday hnuhnung ber tur hi nizan khan a lawm a, hetah hian Jay Z te, Beyonce te, Stevie Wonder, Jennifer Hudson, John Legend, Ellen DeGeneres tihte an tel a, anni bakah hian politician langsar tak takte pawh an tel niin khawthlang chanchinbuten an tarlang.