U2-in album an tichhuak hnai, tour an hmabak

Rock band chuai thei lo leh huhang ngah. U2 chuan album an tichhuak leh hnai tawh tih an sawi a, chumi rual chuan album an tihchhuah velehah tour an nei chhunzawm dawn tih an sawi bawk.

Kum 2014 khan 'Songs of Innocence' album an tichhuak a, hemi hnua an album leh tur hi an buaipui mek tih Bono chuan a sawi a, mahse a tihchhuah theih hun tur erawh a sawi thei rih lo; kuminah emaw nakkum kumtir lamah emaw tihchhuah theih an inbeisei.

Bono chuan album an tihchhuah veleh an album tihlar nan khawvel hmun hrang hrangah concert tour neih zui an tum nghal tih a sawi bawk. Songs of Innocence album an tihchhuah hnu khan tour an nei zui nghal a, a pui hle a, khawvela tour hlawhtling berte zinga mi a ni. An bassist Adam Clayton chuan thla ruk chhungin album hi tihchhuah hman a nih tur thu a sawi.