'Pushpa 2' in Rs vbc 1,831 la lut tawh

Allu Arjun channa, 'Pushpa 2' chuan ni 32 chhungin Rs vbc 1,831 a la lut tling tawh a, Indian cinema-ah record a siam chho zel.

December 5, 2024-a tlangzarh, Sukumar directed sequel hi India ram chhungah chauh ni loin ram pawn lamah pawh a che ṭha hle. Rs vbc 1,810 la luttu, 'Baahubali 2's' lehpelin, Indian film zingah sum la lut tam ber ni thei turin a dinhmun a siamṭha chho zel. Rs vbc 2,070 la luttu, Aamir Khan movie 'Dangal' a la phak lo a ni. He film hi 2021 hit, 'Pushpa : The Rise' chhunzawmna niin Allu Arjun bakah Rashmika Mandanna a chang bawk. Fahadh Faasil, Jagapathi Babu, Anasuya Bhardwaj, Rao Ramesh leh Sunil ten role pawimawh tak an chang bawk.