Golden Globes 2025 thlirtu an pung

Golden Globe Award 2025, January 5 zana neih chu thlirtu mtd 10.1 an tling a, nikum aiin view hi 7% in an pung.

Kumina Golden Globes hi a ṭum hnihna atan CBS-ah pek chhuah a ni. Kumin viewer data hi VideoAmp aṭanga lak niin, nikum khan Nielsen aṭanga lak a nih thung. Kuminah hian CBS parent company, Paramount leh Nielsen hian inhriatthiam lohna an neih avangin VideoAmp ratings hi hman a ni ta zawk a ni. Nikum kha CBS-in a pek chhuah vawi khatna niin viewer hi mtd 9.4 an ni a, kum 2023-a NBC-in a pek chhuah aiin viewer hi 50% zetin an pung a ni.

Social Content Ratings leh Quid Monitor-in social media data an tih chhuahah, kumina Golden Globes hi thla 12 chhunga TV-a No 1 broadcast special niin, a zanah hian social interaciton mtd 40 vel a tling a, nikum kaiin 124% zetin an tam niin an tarlang bawk.

Pathianni zan vek khan NBC chuan Sunday Night Football match, Minnesota leh Detroit inkhel pe chhuakin, viewer hi mtd 28.5 an tling. Kum 12 chhunga SNF regular season finale entu tam ber an ni.