'Better Man','Unstoppable' leh 'Wolf Man' premiere tur ṭhulh

Amazon MGM Studios leh Universal Studios te chuan Los Angeles khawthlang lam, Pacific Palisades-a ram kang nasa tak thleng leh thli tleh vangin, Thawhlehni zana 'Better Man','Unstoppable' leh 'Wolf Man' premier an tum chu an ṭhulh.

Paramount thupuangtu chuan ram kang nasa taka avanga Los Angeles dinhmun ṭha lo taka a din mek avangin 'Better

Man' premiere tum chu ṭhulh a nih thu a sawi a, ram kang vanga harsatna tawkte an tuarpui leh an hriatreng thu a sawi. 'Unstoppable' hi Anthony Robles chanchin, wresting drama niin Jharrel Jerome leh Jennifer Lopez te an chang. Toronto International Film Festival-ah premiere lo ni tawh mah se, Thawhlehni zan khan West Hollywood-a DGA-ah red carpet leh screening neih tum a ni a, mahse hei pawh hi an ṭhulh a ni. He film hi January 16 hian Prime Video-ah pek chhuah a ni dawn. Netflix pawhin chhiatna thleng vang hian Thawhlehni zana 'Emilia Perez' puala hun buatsaih a tum chu a ṭhulh bawk. Pacific Palisades-a ram kang vang hian ram actre 1200 chuang a kang chhe tawh a, mi 30,000 vel sawn chhuah an ni bawk.