Netflix-ah WWE flagship Raw show

Netflix ah a vawi khatna atan WWE flagship Raw show pek chhuah a ni a, wrestling lama hming langsar tak tak an inlan.

He weekly show hi kum 31 chhung chu TV-ah pek chhuah a lo ni tawh ṭhin a, tun ṭumah erawh Netflix-ah chhuah a ni thung.

Los Angeles-a darkar thum awh programme an buatsaihah hian superstar eng emaw zat in lanin, an zingah hian The Rock, John Cena leh The Undertaker te pawh an tel. He show hi John Cena 'farewell tour' ṭanna a ni tel bawk a, a ni hian kum 2025 hi WWE-ah competitor anga a inlan tawpna tur hi a lo puang tawh a ni. Netflix hian Raw show leh WWE programme dang tih chhuahna tur rights hi USD tld 5 chuangin a lei nia sawi a ni. US pawn lam aṭang pawhin Netflix-ah hian weekly show dang - SmackDown, NXT leh live event te en theih a ni ang. Hei bakah pay-per view special pawh siam tum a ni a, hetah hian WrestleMania, Summerslam leh RoyalRumble te a tel dawn a ni.