Pantene-in Selena an ruai dawn

Dollar mtd 3 zet hlawh tura inrawih hi thawh chakawm tak a ni a, Selena Gomez pawhin a hnar lo. Pantene chuan Selena Gomez chu sumdawnna kawngah an thawhpui dawn a, hemi atan hian Gomez hi dollar mtd 3 an pe ang.

Sam enkawlna lam thil siamchhuaktu lian Pantene hian Gomez hi an thilsiam chhuah tilartuah an hmang dawn a, kumin chhung zawng chu Pantene tana tlangau a, an thupuangtu ber a ni dawn a ni. Selena Gomez hian a hma aṭangin Pantene kutchhuak hi a sam enkawl nana a hman nasat ber ṭhin a ni a, hetianga Pentene nena an thawk dun thei tawh tur hi a lawm a kim zual hle tih a sawi.