‘Mad Max’ actor Hugh Keays-Byrne a thi

Mad Max film-a misual lar tak Immortan Joe lema chang Hugh Keays-Byrne chu kum 73 mi niin Thawhlehni khan a thi.

Hugh Keays-Byrne thih thu hi Nilaini khan puan­zar a ni a, kum 1975-a tlangzarh a channa The Man From Hong Kong director Brian Trenchard-Smith chuan Thawhlehni khan damdawi-inah a thi tih hi a Facebook kaltlangin a puangzar a ni.

Director George Miller-a film kum 1979-a tlangzarh Mad Max-ah khan Keays-Byrne hian Toecutter lem a chang a, kum 2015-a Mad Max: Fury Road siam thar leh a nih khan koh kir leh niin Immortan Joe lemah a chang leh a ni. Film hrang hrang eng emaw zatah changin chung zingah chuan Snapshot, Lorca and the Outlaws leh The Blood of Heroes-te pawh kha a tel.