DJ Lalvenhimi Pakhatna a luah; a mak lo
Music video a neih apiang pakhatna luah thei khawpa Mizo hmeichhe zaithiam leh tunlaia huhang ngah DJ Lalvenhimi chu JJ Store Dalda Ṭhazual Lengzemah pakhatna a rawn ni a, hla pali hmanga pakhatna a luahna a ni ta.
DJ Lalvenhimi hla 'Ṭhian rinawm' hi February thlaa a siam peih kha a ni a, tunlai hla phuahtu lar Lal K. Sailo phuah a ni. A phuahtuin a zir bawk a music pawh a tunlai a, hip-hop leh reggae element te a awm a, a tinalh hle. A incheina pawh a nalh a, a dangdai a, fairy lam hawiin amah DJI hi a inchei a, hei hian a music video a tihmuhnawm zual hle a ni.
'Ṭhian rinawm' hi top 10-ah July 11 khan kan hmu ṭan a, pariatnaah a awm. July 25-ah kha chuan paruknaah a invawrh chho tawh a, parukna aṭangin pakhatna a rawn luah dawrh mai. A kaisang chak hle a, a vawi thum lannaah pakhatna a luah thei. Ṭhazual chart siam hnuah DJ Lalvenhimi record tuman an la pha lo. 'Liam mai rawh' tih hla hmang khan pakhatna luah hma ber a ni. He hla hi kum 2014 April 9 khan a tichhuak a, April 22 khan Ṭhazual chart-ah pathumnaah a rawn lang nghal a, a dawt leha lengzem chart tihchhuah leh, May 6, 2014 khan pakhatna a luah nghal thei der a ni. Chart-a a vawi hnih lannaah 'Liam mai rawh' khan pakhatna a luah nghal a ni.
'Ṭhian rinawm' hmang hian DJI hian Essy a rawn nih rual a, pakhatna luah hma thei hla pahnihna a ni. Essy hla hit 'Hey' kha chart-a vawi thum a lannaah pakhatna a luah a, 'Ṭhian rinawm' hla pawh hi a vawi thum lannaah pakhatna a luah.
Pakhatna ṭum hnih a luah hnuah Feli Fanai hla 'Ti ve mai la' chu pathumnaah a chhuk thla a, Josephine Lalawmpuii hla 'I lo ni reng si' chu pathumna aṭang≠in pahnihnaah a kai thung. Lawmkimi Chanwghlut chu palinaah a rawn lang a, C. Sanga leh Daduhi chu panganaah an chhuk thung.
Top aṭangin Manuna hla 'Ka lo kir tawh lawng' chu a chhuak a, Rachel Lalnunkimi hla kan hmu thung. Hman ni lawka a tihchhuah 'Ka phur zo lo' hla chu pakuanaah bul a rawn ṭan.
JJ Store Ṭhazual Lengzem
1 Dj Lalvenhimi - Ṭhian rinawm
2 Josephine Lalawmpuii - I lo ni reng si
3 Feli Fanai - Ti ve mai la
4 Lawmkimi Chawnghlut - Lenglerh
5 C.Sanga & Daduhi - A zual zel si
6 F Zomuanpuia - Min hnem la
7 stAge ft Sangteii Khawlhring - Beiseina
8 Thangromawia - Chhing mitin
9 Rachel Lalnunkimi - Ka phur zo lo
10 Lancy & Omomi - Hlimlaini