Record thar nen Suicide Squad

Kar tawp chhung khan movie thar ṭhahnem tak a chhuak a, chung zingah chuan Suicide Squad chuan sum a lalut hnem ber a, chu mai bakah Guradians of the Galaxy-in record a lo siam tawh chu lehpelin, record thar a siam.

DC Comic-a misual lem hrang hrangte pakhata an chantirna, Suicide Squad film hian kar tawp chhung khan North America-ah USD mtd 135.1 zet a thawk chhuak thei a, August thlaa movie tihchhuah zingah, opening week-a sum lalut hnem ber a ni. A hmaa sum lalut hnem ber ṭhin chu Guardians of the Galaxy kha a ni a, chawlhkar khat chhungin USD mtd 94.3 a lalut a, Suicide Squad hian a rawn khum ta a ni.

Hei bakah hian kar khat chhunga USD mtd 100 lalut thei tlem te zingah a tel. North America-ah chauh a hlawhtling lo a, khawvel ram hrang hrangah a hlawhtling. Ram dang aṭanga a sum lakluh hi USD mtd 132 lai a ni a, hengte nen hian kar liam ta chhung khan USD mtd 267.1 zet a thawk chhuak thei.

Bourne movie thar, Jason Bourne chu pahnihnaah a chhuk thla a, kar tawp chhung khan US leh Canada-ah USD mtd 22.7 a lalut. Movie thar a sang zingah an lang mang lo a, Bad Moms chu pathumnaah a la awm a, The Secret Life of Pets chu palinaah awmin, Star Trek Beyond chu pangana a ni.

Box office movies

"Suicide Squad" - $mtd 135.1

"Jason Bourne" - $mtd 22.7

"Bad Moms" - $mtd 14.2

"The Secret Life of Pets" - $mtd 11.6

"Star Trek Beyond" - $mtd 10.2

"Nine Lives (2016)" - $mtd 6.5

"Lights Out" - $mtd 6

"Nerve" - $mtd 4.9

"Ghostbusters (2016)" - $mtd 4.8

"Ice Age: Collision Course" - $mtd 4.3