Venice Film Festival Golden Lion dawngtu 'Nomadland'

77th annual Venice International Film Festival chu September 2 aṭanga 12 inkar khan neih a ni a, award ngaihhlut Golden Lion chu Chloé Zhao film siam 'Nomadland'-in a dawng.

Silver Lion Grand Jury Prize chu Michael Franco kutah hlan a ni a, 'New Order' vangin a dawng a, Best Film chu 'The Wasteland'-in dawng thungin Best Director chu Lav Diaz kutah hlan a ni.

Chloé Zhao hi Asian hmeichhe zinga Oscar Best Director nominee hmasa ber a ni thei ang em? Chloé Zhao film siam 'Nomadland' chu 2021 Oscar race-ah dinhmun ṭhaah a dingah ngaih a ni ta a, he film vanga best director nominee a nih chuan Chloé Zhao chu hetiang dinhmuna ding thei Asia hmeichhe hmasa ber a ni dawn.

'Nomadland' hi drama film a ni a,  Frances McDormand, David Strathairn, Linda May, Charlene Swankie, leh Bob Wells-te channa niin Jessica Bruder lehkhabu ziah 2017 non-fiction book 'Nomadland: Surviving America in the Twenty-First Century' behchhana siam a ni.

American Midwest fang tura hmeichhe pakhatin an khua a chhuahsan chanchin a ni a, Chloé Zhao feature film pathumna a ni.  September 11, 2020 khan Venice Film Festival-ah hian premiere niin Golden Lion hial a dawng ta a, December 4 hian theatre-a en theih turin US-ah chuan tlangzarh a ni ang.