NAACP Image Awards 2025 nomination puang

Film, television, music, literature leh thil danga mi hangte puala siam, 56th annual NAACP Image Awards nomination chu puan a ni a, 'The Piano Lesson' leh GloRilla te an langsar.

Netflix 'The Piano Lesson' chuan hma hruaiin nomination 14 a hmu a, director Malcolm Washington bakah star - John David Washington, Danielle Deadwyler leh Samuel L. Jackson te pawh an lang. Outstanding Motion Picture category-ah 'Bad Boys : Ride or Die', 'Bob Marley : One Love', 'The Six Triple Eight' leh 'Wicked' te nen an inel dawn a ni.

Television category-ah Peacock 'Fight Night : The Million Dollar Heist' chuan nomination hmu hnem berin, pakua a hmu. Mimalah Ayo Edebiri chuan nomation panga hmuin, heng zinga pathum chu 'The Bear' a role aṭangin a ni. Keke Palmer chuan nomination pali hmuin heng zingah hian 'Password' a host avangin Entertainer of the Year nominee a ni . Nomination pahnih hmu zingah Kerry Washington leh David Alan Grier pawh an tel.

Music category-ah GloRilla chuan nomination paruk hmuin Doechii, Kendrick Lamar leh Usher ten nomination pali ṭheuh an hmu a, Beyonce chuan a album, 'Cowboy Carter' hmangin nomination pathum a hmu thei bawk a ni.

Awards ceremony hi February 22, 2025 hian Pasadena Civic Auditorium-ah neih a ni dawn a, BET leh CBS ah pek chhuah a ni ang. NAACP Image Awards hian mi hang talent nei ṭha leh hlawhtlingte hnenah award hi a hlan bakah film, music, literature leh thil danga huhang an neih dante an pho lang bawk ṭhin.

NAACP Image Awards hi National Association for the Advancement of Colored People (NAACP) buatsaih niin, category 40 chuangah award hi sem a ni a, a dawngtu turte hi NAACP member-in an thlan chhuah a ni. Hononary award pawh siam telin, chungte chu President's Award, Chairman's Award, Entertainer of the Year, Activist of the Year leh Hall of Fame Award te an ni. Mimalah Beyone chu award dawng hnem ber tawh niin, 25 a dawng tawh a ni.