'Grimm' movie buaipui mek

NBC hit supernatural cop drama 'Grimm' chu movie-ah siam a ni dawn a, an buaipui mek.

'Grimm' hi season ruk niin kum 2017 khan a tawp a, a movie siam turah hian original series showrunner, David Greenwalt leh Jim Kouf bakah original executive producer Sean Hayes leh Todd Miliner te an la tel dawn a, anni bakah 'Drop Dead Diva' producer Josh Berman pawh a tel ve bawk ang. A plot leh cast chungchang hi an la puangzar lo a, mahse a original series zulzuia siam a nih rin a ni. A series-ah khan Silas Weir Michell chu Monroe leh Russell Hornsby chu Detective Hank Griffin ah an chang a ni. Dark fantasy series hi kum 2011-2012 khan a season hmasa ber tih chhuah a ni a, beisei phak bakin a hit a, season ruk thleng an siam zui ta a ni.