Zaithiam C. Vanlalzuia a thi

Hranghlui zaithiam leh hlaphuah thiam, C. Vanlalzuia (51) leh a nupui, C. Lalmangaihzuali (51) te chu January 8, 2025 zan khan Champhai Zote dai, Sathar khamah autorickshaw-a chesualin an thi. An ruang hi an khua, Ngur ah lumenpui an nih hnuin, nimin khan Champhai Vengthlang North-a an inpuiah vui anni.

Mazuia hi All India Radio B grade artist niin, lengzem leh Pathian fakna hla eng emaw zat a phuah a ni. A hla 'Derna anka' chu a larpuiin Mizo mipui hriat a hlawh ṭanna a ni a, hei bakah hian 'Ka thai' tih pawh a larpui hle. Radio-a Weekly countdown-ah pawh a langsar hle ṭhin. A hnuah Pathian rawngbawlin, fakna hla a sa chhunzawm a, fakna hla a phuah leh sak zingah 'Halleluia Amen' chu mi tam tak duh leh ngaihthlak hlawh tak a ni.