Golden Globes-a Nikki Glaser fiamthu thawh an sawisel

Golden Globes 2025 neih zawh takah host, comedian Nikki Glaser-i'n Diddy Comb kaihhnawih thila fiamthu a thawh chu, Combs laka thubuai thehluttute lawyer chuan sawiselin, thil tih awm lo tak a nih thu a sawi.

Lawyer chuan Diddy chet dan hrang hrang, thil pawi tak tak a awm laia a thiltih dan holam tak anga lantir theih zawnga fiamthu thawh chu thil zahthlak tak a ni tiin, 'Nikki chuan mipat hmeichhiat lam hawia khawih leh tihnawmnah a la tawng ngai lo," a thusawi dan ang kha mi tam takin, hetiang tuartuten an report ngam loh phahna chhan a ni fo a ni, a ti. Attonery dang pawhin Nikki chu pawngsualna leh ruihhloa inhraina thlengte fiamthu thawhna atana hmang mai lo tur nia a lo ngaih thu a sawi bawk. Nikki Glaser hian Challengers film-a Zendaya performance a fak rualin, Diddi after party chungchang leh baby oil te nen rawn khaikhinin fiamthu a thawh zui a ni.