BBC Sound of 2025 winner Chappell Roan

Pop star Chappel Roan chu BBC Radio 1 Sound of 2025 winner-ah thlan a ni. Winner lo ni tawh zingah hian Adele, Sam Fender leh Sam Smith te pawh an tel.

BBC Radio 1 hian music industry-a hming larsar leh artist 180 chuangte ngaihdan la khawmin, kumtinin artist lar chho mek, mainstream lama hlawhtlinna ropui tak nei thei tura ngaihte list hi a ti chhuak ṭhin. Sound of 2025 winner, kum 26 mi Chappel Roan hi a hming tak chu Kayleigh Rose Amstutz niin, Billboard Music Awards-ah best new artist atan thlan a ni a, Grammy nomation paruk a hmu bawk. A debut LP, kum 2023-a a tih chhuah 'The Rise and Fall of a Midwest Princess' chu nikum August thla khan Billboard 200 album chart-ah No 2 a ni. Radio 1 New Music show host, Jack Saunders chuan winner atan hian Chappel Roan aia awm an awm chuang lo tih sawiin, thla 12 liam ta chhung khan artist ngaihven hlawh ber niin, thla 12 dang lo awm turah pawh ngaihvena la hlawh chho hle dawn tih a sawi.