BTS j-hope solo tour neih hun tur puang

BTS rapper, j-hope chuan a solo tour hmasa ber a nei dawn a, tour neih hun tur pawh nimin khan a puang ta.

j-hope tour neih tur hi 'HOPE ON THE STAGE' tih a ni dawn a, February 28 zan hian Seoul-ah KSPO Dome-ah ṭanin, he hmunah vek hian March 1 leh March 2 zanah a nei chhunzawm ang. A hmuna kal thei lo tan online-ah live-a pek chhuah a ni dawn bawk. March 13 leh 14-ah Brooklyn-ah tour hi chhunzawmin, Mexico City, San Antonio, Oakland leh Los Angeles-ahte a nei bawk ang. April 12-ah Asia lamah rawn kir lehin Manila-ah a perform dawn a, Singapore, Jakarta, Bangkok, Macau, Taipei leh Osaka-ahte a nei dawn bawk a ni. j-hope chuan tour a neih dawn bakah album thar pawh tih chhuah a tum thu IG lamah special video 'Beginning of a New Dream' tiin a rawn tarlang a, Army lam an lo phur nghal hle.