Hollywood star tam takin an chenna in an chan

Los Angeles-a ram kang nasa tak chhuak vanga chenna in tam tak kangral zingah Hollywood star eng emaw zat in pawh a tel.

Kangmei vanga celebrity, an chenna in chan zingah hian Mandy Moore, Anna Faris, Paris Hilton, Bozoma Saint John, Jeff Bridges, Billy Crystal, Spencer Pratt leh Heidi Montag, Cary Elwes, James Woods, Diane Warren, Cameron Mathison, Ricki Lake, Jhené Aiko leh record producer Lou Adler te an tel. Adam Brody leh Leighton Meester, Eugene Levy, John Goodman leh Anthony Hopkins te in pawh an kang bawk a ni. Mel Gibson pawhin Austin, Texas-ah a interview a neih laiin kangmei chhuak vangin a in hi a kang ral vek tih a sawi bawk.

Kangmei chhuak hian music industry lam pawh a nghawng na hle a, executive leh artist 100 chuangin an in an chan. MusiCares and Recording Academy chuan kangmei chhuak chu, music professional te puihna turin Los Angeles Fire Relief Effort a siam. Hemi kaltlang hian kangmei tuartu, music industry-a kum nga chin lo thawkte chu chhawmdawlna, USD 1,500 bakah food voucher, USD 500 hu pek an ni ang.

Chhiatna nasa tak thleng karah harsatna tawkte ṭanpui turin mi larte an che chhuak reng bawk. Pop star Miley Cyrus chuan chhawmndawl hna thawktute a puih tur thu a sawi a, Kim Karshashian chuan a Skims brand kaltlangin an mamawhte a supply a, Paris Hiltion pawhin USD 100,000 a thawh tur thu a sawi bawk. Halle Berry leh Snoop Dog-te chuan kangmei tuarte tan thawmhnaw an sem a, Prince Harry leh Meghan Marle pawhin ei tur semin Jennifer Garner pawhin food truck hmanga ei tur semnaah a lo pui bawk.