'Shrek 5' chhuah hun tur sawn hla

Universal Pictures chuan 'Shrek 5' a tih chhuah hun tur a sawn hla a, kum 2026 July 1-a tih chhuah tura a lo ruahman tawh chu December 23, 2026-ah a sawn.

'Shrek 5' hi Walt Dohrn leh Conrad Vernon ten an direct dawn a, Brad Ableson chu co-director a ni. He film-ah hian Mikey chuan Shrek aw a thawh leh dawn a, Eddie Murphy chuan Donke leh Cameron Diaz-in Fiona aw an thawh leh dawn bawk. Shrek movie hmasa ber hi kum 2001-a tih chhuah kha a ni a, a kum 25-naah Shrek 5 hi a rawn chhuak dawn a ni. A movie chhuak tawh palite hian global box office-ah UD tld 2.9 an la lut tling tawh a ni. A hnuhnung ber chu kum 2010-a tih chhuah, 'Shrek Forever After' kha a ni. Universal Pictures hian Shrek 5 chhuah hun tur a sawn hlat laiin, 'Minions 3' chhuah hun tur erawh June 2027 aṭangin July 1, 2026-ah a sawn hma ve thung. 'Despicable Me 4' in hlawhtlinna nasa tak a neih hnuah Minions 3 hian an rawn chhuah chhunzawm dawn a, The Despicable Me leh Minions franchise-te hian USD tld 5 dawn an la lut tawh a ni.