Korean-Philippine joint project host atan 2NE1 Sandara Park

Korea leh Philippine chu global star chher chhuak turin talent survival show siamin an thawk dun dawn.

MLD Entertainment PH leh TV5. joint project hi 9-member boy group siamna tur, 'Be the Next : 9 Dreamers' tih a ni a, kum 2023 khan global audition nei tawhin, heta ṭanga thlan chhuah khawvel ram hrang hrang aṭanga contestant 74 an inel dawn a ni. He programme hi 2NE1 member, Sandara Park in a host dawn a, mentor zingah hian EXO Chen, MOMOLAND Hyebin, AB6IX Park Woo Jin, Bang Yedam, leh HORIZON Vinci te an tel. Choreographer Bae Wan Hee chu dance mentor niin, Bullseye chu producer a nih bakah dance mentor a ni bawk dawn. Mentor te hi khawvel huapa hriat hlawh an nih hlawm avangin he program hian ngaihven pawh a hlawh nghal hle. 'Be the Next : 9 Dreamers' hi February 8 aṭangin TV5 Weekend Trip block-ah tih chhuah a ni ang.