Putin-a lemah Jude Law a chang dawn

Olivier Assayas film siam thar tur, 'The Wizard of the Kremlin'-a Russia president Vladimir Putin lema chang turin Jude Law chu tih chian a ni ta.

He movie hi Giuliano da Empoli lehkhabu ziah behchhana siam niin, 1990s tir lam, Soviet Union a tlukchhiat hnuah Putin-a'n thuneihna a rawn chan chhoh dan chanchin a ni. Jude Law chuan khawvel huapa ram hruaitu lar leh sawi hlawh, Putin lema chan chu a tana chona lian tak pakhat a ni tih a sawi. Director Assayas hian kum 2016 khan a film, 'Personal Shopper' hmangin Cannes Film Festival Award-ah Best Director award a lo dawng tawh a ni. 'The Wizard of the Kremlin' hi Russia ramah tlangzarh a ni ve dawn lo a, kum 2022 March thla aṭang khan studio liante chuan Russia ramah film an ti chhuak tawh lo a ni.